Click here to view this page in English. 

அனந்த கோடி அன்புகள்...

சத்குரு அகத்திய மகரிஷிகள் தலைமை மற்றும் முதன்மை குருவாக நிலை நின்று வழிநடத்தும் அன்பாலயத்திற்குத் தங்களை வரவேற்கிறோம்.

சத்குருவின் தலைமையில் நடைபெறும் அன்பாலய நிகழ்வுகள் அனைத்தும் 12 தெய்வங்களால் வழி நடத்தப்படுபவை ஆகும்.

இப்பூஜையில் எப்படி கலந்து கொள்வது?

அதன்படி கடந்த  2024 ஆம் ஆண்டு மகா சிவராத்திரி முதல் துவங்கி இதுவரை 10 வெவ்வேறு குழுக்களைச் சார்ந்த 1080 (108x10) அன்பு ஆன்மாக்கள் பூஜித்து உள்ளனர். பதினோராவது  சுழற்சியைச் சார்ந்த 108 அன்பு ஆன்மாக்கள் சத்குருவின் ஆத்ம லிங்கங்களை இல்லங்களில் வைத்துப் பூஜித்து வருகின்றனர். 

பன்னிரண்டாவது குழுவில் இணைந்து பூஜிக்க உள்ள 108 அன்பு ஆன்மாக்களுக்கான முதல் நிலை பூஜையான ஓர் தனித்த லிங்கத்தினைத் தங்களது இல்லங்களில் வைத்து வழிபடும் பூஜையானது துவங்க இருக்கிறது.

இப்பூஜையில் கலந்து கொள்ள விரும்புபவர்கள் கீழே உள்ள எண்களில் ஏதேனும் ஒன்றை அழைத்துப் பதிவு செய்யுங்கள் அல்லது கீழே உள்ள பதிவு இணைப்பை பயன்படுத்து பதிவு செய்யுங்கள். 

பூஜைக்குப் பதிவு செய்து அன்பாலய ஆத்ம லிங்க பூஜையின் வாட்ஸ்அப் குழுவில் இணைந்து தினந்தோறும் பகிரப்படும் ஞான அருளுரைகளை அன்போடு கேட்டுப் பூஜைகளை சீராய்ச் செய்பவர்களுக்கு, வரும் நவம்பர் மாதம் 16ம் தேதி, ஞாயிற்றுக்கிழமை திருவண்ணாமலையில் நடைபெறும் பன்னிரண்டாவது ஆத்ம லிங்க சுழற்சி விழாவின் போது சத்குரு அகத்திய மகரிஷிகளின் ஆத்ம லிங்கமானது 48 தினங்கள் பூஜிக்க வழங்கப்படும். 

12வது ஆத்ம லிங்க பூஜை  நிகழ்வில், 15 வயதிற்கும் குறைவான குழந்தைகள் மற்றும் இதற்கு முன் ஆத்ம லிங்க பூஜையை மேற்கொண்ட அன்பு ஆன்மாக்கள், தங்களது மறைந்த பெற்றோர்களுக்காக,  லிங்க பூஜையை மேற்கொள்ளலாம் என சத்குரு எடுத்துரைத்துள்ளார். அதன் வழிமுறைகள் பற்றிய விளக்கத்தை பின்வரும் காணொளி மூலம் அறிந்து கொள்ளுங்கள்.

குறிப்பில் கொள்க, சிறார்களுக்கான ஆத்ம லிங்க பூஜை மற்றும் மறைந்த பெற்றோர்களுக்காக அன்பர்கள் மேற்கொள்ளவிருக்கும் ஆத்ம லிங்க பூஜை  ஆகிய இரண்டு பூஜை முறைகளிலும், அவர்களின் இரண்டு  மண்டல பூஜைகளில் ஒற்றை லிங்கத்தை மட்டும் வைத்து  பூஜையை மேற் கொள்ள வேண்டும். மேலும் இவர்களுக்கு பூஜையின் இறுதியில் தனிப்பட்ட  அருளுரை வழங்கப்படமாட்டாது என்பதை கவனத்தில் கொள்ளவும்.