👥 பங்கேற்கத் தகுதியுடையோர் (Who Can Participate?)

பெரும்பான்மையாக கேட்கப்படும் கேள்விகள் (FAQs)

1.  மாதவிடாய் காலத்தில் இப்பயிற்சிகளை ஏற்கலாமா?

இயன்ற அளவு ஏற்கலாம். சித்தர்கள் வழிபாட்டில் இது ஒரு தடை அல்ல.

2.  இப்பயிற்சிகளை ஏற்பவர்கள் தாம்பத்தியத்தில் ஈடுபடலாமா?**

விரதம் கடைபிடித்தால் நன்று.

3.  இப்பயிற்சிகளை ஏற்க குறைந்தபட்ச வயது ஏதும் உண்டா? சிறார்கள் செய்யலாமா?

 7 வயதுக்கு மேல் உள்ள அனைவரும் ஏற்கலாம். 

4.  அசைவ உணவு ஏற்கலாமா?

சைவ சாத்வீக உணவு மட்டுமே ஏற்க வேண்டும்.

5.  நான் வேலைக்கு செல்வதால் என்னால் நீங்கள் குறிப்பிட்ட நேரத்திற்கு இப்பயிற்சிகளை செய்ய இயலாது நான் என்ன செய்வது?

 இல்லம் நீங்கி பயணித்து மாற்று பணிகளை ஏற்பவர்கள் யாவரும் இயன்றால் பயிற்சிகளை மாத்திரமே குறித்த நேரத்தினில் ஏற்கலாம். இயலாவிடில் இயன்ற தருணங்களில் பயின்றிடலாம். உதாரணத்திற்கு 49 கரணங்களை முதல் தினம் அதில சமர்ப்பிக்க வேண்டும். சூரியன் அஸ்தமித்த பின்னர் பயிற்சிகளை ஏற்பது நன்றன்று.

6.  உடல் நலம் குன்றியவர்கள் / செயல்பாட்டுத் திறன் குறைந்தவர்கள் எவ்விதம் இப்பயிற்சிகளை ஏற்பது?

அதிதீவிர பயிற்சிகளை ஏற்க இயலாதவர்கள் இயன்ற பயிற்சிகளை ஏற்கக் கடவது. மனம் என்பது ஒடுங்க வேண்டும் எனில் இயலாத செயல்கள் என்றே மனம் எடுத்துரைக்கும் செயல்களை இயன்ற செயல்களாக உருமாற்றிடல் வேண்டும். சுவாசத்தின் உன்னத பிராணசக்தி என்பது தடையின்றி மூலாதாரம் வரை பாய்ந்திட வேண்டும் எனில் வைராக்கிய பக்தியும் சரணாகதமும் அவசியமாகும். அதற்குரித்தான பயிற்சிகளும் தியான நிலைகளும் உன்னத பலனை அருளிடும். இதனையும் ஏற்க இயலாதவர்கள் அவர்களது தேகத்திற்கு உரித்தான இயன்ற பயிற்சிகளை ஏற்றிடலாம்.

7.  கருவுற்றிருக்கும் தாய்மார்கள் இப்பயிற்சியை ஏற்கலாமா?

தியானப் பயிற்சிகளை ஏற்பதற்கு தடை ஏதும் இல்லை. ஆசன பயிற்சிகளை மருத்துவரின் ஆலோசனைப் படி மேற்கொள்ளவும்.

8.  ஆத்ம லிங்க பூஜை அல்லது ஆத்ம காயத்ரி நோன்பு இதுவரை ஏற்காத அன்பாலயத்தின் புதிய அன்பர்களும் இப்பயிற்சியினை ஏற்கலாமா?

ஆம். இதுவரை அன்பாலயத்தின் எந்த ஒரு பூஜை வழிபாட்டு முறைகளையும் ஏற்காதவர்களும் இப்பயிற்சிகளை ஏற்கலாம்.

9. மாலை 6:00 மணிக்கு மேல் அருளியுள்ள பயிற்சிகளை செய்து கொள்ளலாமா?

காலையில் சூரிய உதயத்தில் பயில்வது உத்தமம். இயலாதவர்கள் எந்த நேரத்திலும் ஏற்கலாம்.