ఆత్మ గాయత్రి సాధనలో పాల్గొనే వారు తరచుగా అడిగే ప్రశ్నలకు సమాధానాలు:
1. సాధన సమయంలో నేను మాంసం తినవచ్చా?
మాంసాహారం తినకుండా ఉంటే అధిక ఫలితం లభిస్తుంది.
2. ఈ పూజ చేసుకొనే కాలంలో దాంపత్య సంబంధము ఉండవచ్చునా?
ఈ వ్రతము చేయాలి అన్న సంకల్పమే, అత్యధిక జ్ఞానాన్ని మీకు ఇవ్వగలదు.
3. సాధన సూర్యోదయం సమయంలో చేయలేక పోయినచో, వేరే సమయంలో చేయవచ్చునా?
సూర్యోదయానికి పూర్వమే పూజ చేసుకొన్నచో, అధిక ఫలితం లభించగలదు. అలా చేయలేని వారు వేరే ఏ సమయంలో అయినా చేసుకోవచ్చును.
4. ఋతుకాల సమయంలో సాధనను చేయవచ్చునా?
దీపము వెలిగించుట, శ్రీ యంత్రాన్ని , లింగాన్ని తాకుట వంటివి చేయకుండా, మంత్రాన్ని మాత్రము ఉచ్ఛరించవచ్చును అని సద్గురు అగస్త్యులవారు తెలిపియున్నారు.
5. ఇంట్లో ఉన్నవారు మాంసాహారం తినవచ్చునా?
దీనికి ఎలాటి అభ్యంతరమూ లేదు.
6. ఒకవేళ ఏదైనా కారణము వలన కొన్ని దినముల ప్రయాణము ఏర్పడినచో, తిరిగి సాధనను కొనసాగించవచ్చునా?
నిరభ్యంతరంగా కొనసాగించవచ్చును.
7. 108 రోజుల ఈ ఆత్మగాయత్రి సాధనను ఏ విధముగా పరి సమాప్తి చేయాలి?
దీనిని గురించి సద్గురు అగస్త్యుల వారు అతి త్వరలోనే వివరించగలరు.
8. సాధన సమయంలో నేను మద్యం తాగవచ్చా?
తాగకుండా ఉంటే, అధిక ఫలితం లభించును.
9. వేరే ఊరికి ప్రయాణించి వెళ్ళేటపుడు శ్రీ యంత్రాన్ని నాతోపాటు తీసుకుని వెళ్ళవచ్చునా?
యంత్రాన్ని ఇంటిలోనే ఉంచి, మీరు ప్రయాణించి వెళ్లవచ్చును; ఆ కాలంలో ప్రతిరోజూ కన్నులు మూసుకొని ధ్యానావస్థ లో ఉండి, మానసికంగా ఆ పూజను చేసుకొనవచ్చును. ( మీ యంత్రాలకు ఇంటిలోని వారు, వేరెవరూ దీపాలను వెలిగించరాదు)
10. ఇంతవరకు ఆత్మలింగ పూజ చేయని వారు ఈ సాధనను చేయవచ్చునా?
శ్రీయంత్రం మధ్యలో ఆత్మలింగాన్ని బదులుగా పసుపు గణపతి ని ఉంచి 48 దినముల పూజ ను చేసుకొనవచ్చును అని సద్గురు అగస్త్యుల వారు తెలిపియున్నారు.
11. 48 దినముల ఆత్మగాయత్రి నోమును ఎపుడు ప్రారంభిస్తున్నారు?
నవంబర్ 20 వ తేదీ న 48 రోజుల ఆత్మగాయత్రి నోము ప్రారంభం అగును.
12. ఆత్మలింగ పూజను చేయని వారు, శ్రీ చక్రం మధ్యలో ప్రతి రోజూ క్రొత్తగా పసుపు గణపతిని చేసి ఉంచి పూజించవలెనా?
లేదు. మొదటి రోజు చేసి పూజించిన పసుపు గణపతిని అలాగే ఉంచి, ప్రతి రోజూ పూజకు ముందు దానిపై కొంచెం నీటి చుక్కలు వేసి, దానిపై ఏర్పడే పగుళ్ళను మృదువుగా సరిచేసి, పూజించుకోవాలి.
13. నేను ప్రస్తుతం 11వ గ్రూపులో ఆత్మ లింగ పూజ చేస్తున్నాను. నేను 48 రోజుల ఆత్మ గాయత్రి సాధన చేయవచ్చా?
96 రోజుల ఆత్మ లింగ పూజ (48 + 48 రోజుల పూజ) పూర్తయిన తర్వాత, మీరు నవంబర్ 20 నుండి ఆత్మ గాయత్రి నోమును ప్రారంభించవచ్చు.
14. సాధన/నోము ఆఖరున పసుపు గణపతిని ఏమి చేయాలి?
పసుపు గణపతిని నీటిలో కలిపివేసి, ఆ నీటిని ఎవరు తొక్కని చోట మట్టిలో పోయండి.
15. సాధన పూర్తి అయ్యాక శ్రీ చక్రాన్ని ఏమి చేయాలి?
మీ పూజగది లో ఒక చోట ఉంచి, రోజువారీగా మీరు ప్రార్థన చేసే విధముగా చేసుకొంటే చాలు.
16. ఇంట్లోని వారు విడి విడిగా వారికి ప్రత్యేకించి ఒక్కొక్క శ్రీ యంత్రాన్ని ఉంచి పూజించవలెనా?
అవును. ప్రతి ఒకరు వారికోసం ప్రత్యేకించి ఒక శ్రీ యంత్రాన్ని ఉంచి, దాని మధ్యలో వారి ఆత్మలింగాన్ని ఉంచి పూజించుకోవాలి. ఆత్మలింగ పూజ చేయని వారు, వారి వారి ప్రత్యేకమైన శ్రీ యంత్రం మధ్యలో పసుపు గణపతిని ఉంచి పూజించుకోవాలి.
17. ఇంటిలోని వారు , బంధువులు ఎవరైనా మరణిస్తే, సాధనను కొనసాగించవచ్చునా?
ఇంటిలోని వారు ఎవరైనా మరణిస్తే 11 రోజుల పాటు, వెలుపల ఎవరైనా బంధువులు మరణిస్తే మూడు రోజుల పాటు దీపాలు వెలిగించకుండా సాధన చేసుకోవచ్చును.
18. సాధన పూర్తయిన తర్వాత యంత్రంలో ఉంచిన అక్షతలను ఏమి చేయాలి?
పసుపు అక్షంతలు బంగారు రంగుకో లేదా తెల్లటి రంగుకో మారి ఉంటాయి. వాటిని తీసుకొని, ఏదైనా ఒక మొక్క లేదా చెట్టు మొదట్లో నీటి తో పాటుగా సమర్పించండి.
19. దీపాలను ప్రతి రోజు శుభ్రపరుచుకొనవచ్చునా?
శుభ్రపరచుకొనవచ్చును.
20. శ్రీ చక్రం చుట్టూ ప్రతిరోజూ పువ్వులు అర్పించాలా?
అవసరం లేదు. మీరు పువ్వులు అర్పించకుండానే పూజ చేయవచ్చు. పువ్వులు అర్పించాలనుకునే వారు పువ్వులు శ్రీ చక్రాన్ని తాకకుండా చూసుకోవాలి.
21. దీపాల జ్వాల లేదా జ్యోతి ఎలా ఉండాలి?
దీపాల జ్వాల చిన్నది గా ఉండేలా చూసుకొనండి.
22. మా అంతట మేమే శ్రీ యంత్రాన్ని తెచ్చుకోవచ్చునా ?
తెచ్చుకొనవచ్చును. అయితే, దానిని ఒక శ్రీ చక్ర పూజ జరిగే ఆలయములో ఉంచి కుంకుమ పూజ చేయించి తర్వాత మీ సాధనకై ఉపయోగించుకొనవలెను.
23. నేను ఇంట్లో ఇదివరకే ఉంచి పూజించే శ్రీ యంత్రాన్ని ఉపయోగించుకొనవచ్చునా?
మీరు ఇప్పటివరకు పూజించిన యంత్రం యొక్క ఉద్దేశ్యం వేరు. ఈ సాధన ఉద్దేశ్యం వేరు. మీ ప్రాణము సంక్షేపించి, "కరుణ" వాకిలి తప్పక తెరవాలి అను ఉద్దేశ్యం నెరవేరాలి అంటే, ఒక కొత్త యంత్రాన్ని తెచ్చి ఉపయోగించాలి.
24. అన్బాలయం లో ఇచ్చే యంత్రాన్ని మాత్రమే కొని తెచ్చి ఉపయోగించుకొనవలెనా?
అలా ఏమీ లేదు. అగస్త్యుల వారు తెలిపిన విధముగా , 160 గ్రాముల కంటే ఎక్కువ బరువున్న 16 సెం.మీ x 16 సెం.మీ కొలతలతో శ్రీ యంత్రాన్ని తయారు చేసి, శ్రీ కాంచి కామాక్షి ఆలయంలో ఉంచి, పూజలు చేసిన తర్వాత మాత్రమే అందరికీ పంపుతారు. అలా కాక, తమంతట తామే కొనుక్కోవాలి అనుకునే వారు, పైన చెప్పిన కొలతలు, బరువు ప్రమాణాల ప్రకారము తయారు చేయించి, శ్రీచక్రార్చన జరిగే ఏదైనా ఒక ఆలయంలో ఉంచి కుంకుమ పూజ జరిపించి, అటుపై ఆ ఆయంత్రాన్ని ఉపయోగించుకొనవలెను.
25. నాకు అగస్త్యుల వారు ఇచ్చిన కొలతల ప్రకారం శ్రీ చక్రం లభించలేదు. అపుడు నేను ఏమి చేయాలి?
అన్బాలయం నుండి పొందవచ్చును. లేదా వీలుకానప్పుడు మీకు లభించిన శ్రీ యంత్రాన్ని తెచ్చి, మనస్ఫూర్తిగా శుద్ధ భావనతో పూజించుకొనవచ్చును.
26. ఆసనంగా ఉపయోగించే చతురస్రాకారపు చెక్క పలకకు ఏవైనా కొలతలు ఉన్నవా?
శ్రీ చక్రం పొడవు వెడల్పులకు సరిపోయే విధముగా ఉండాలి. అలా లభ్యం కానప్పుడు శ్రీ చక్రం కొలతల కంటే చిన్నదిగా ఉండాలి.
27. పూజగది శుభ్రం చేసే సమయంలో శ్రీ చక్రాన్ని కదిలించ వచ్చునా?
సాధనా కాలం ముగిసే వరకు, శ్రీ యంత్రాన్ని కదిలించ కూడదు.
28. ఈ పూజ గురించి నాకు ఇప్పుడే తెలిసింది, నేను దీన్ని చేయవచ్చా?
చేయవచ్చును. జనవరి 6వ తేదీ కి ముందు ఎపుడైనా మొదలుపెట్టి, జనవరి 6వ తేదీన సద్గురు అగస్త్యుల వారి గురుపూజ రోజున సమాప్తి చేసుకొనవచ్చును.
29. చిన్న పిల్లలు ఈ పూజ చేయవచ్చునా?
48 దినముల పూజ అనగా ఒక మండల కాలం పూజ చేసుకొనవచ్చును. శ్రీ చక్రాన్ని ప్రతిష్టించి, దాని మధ్యన పసుపు గణపతిని ఉంచి, ఆత్మగాయత్రి మంత్రాన్ని మూడు సార్లు ఉచ్చరించి, ఆది దీపం గాయత్రి మంత్రాన్ని 12 సార్లు ఉచ్చరించిన చాలును.
30. సాత్విక ఆహారం అనగా ఏమి?
వండిన ఆహారం చల్లారకముందే తినాలి మరియు భూమిలో పండించిన కూరగాయలను అనగా దుంప కూరలను వాడకూడదు. పాత ఆహార పదార్థాలకు దూరంగా ఉండాలి. పండ్లు, కూరగాయలను ఉడికించకుండా తినవచ్చు. మీ ఆహారంలో నెయ్యిని చేర్చుకోవడం వల్ల హానికరమైన ఉష్ణ వ్యర్థాలు తొలగిపోతాయి. తెల్లవారుజామున తేనె కలిపిన గోరువెచ్చని నీటిని శ్రీ చక్రానికి నైవేద్యం పెట్టి, దానిని సేవించుట ద్వారా శారీరక రుగ్మతలు తొలగిపోగలవు. అయితే, ఆహార స్వచ్ఛత కంటే హృదయ స్వచ్ఛత గొప్పదని దయచేసి గుర్తుంచుకోండి.
31. రాత్రిపూట శరణాగతి ధ్యానం చేయడం అవసరమా?
రాత్రి పడుకునే ముందు శరణాగతి ధ్యానం చేయడం, తెల్లవారుజామున శ్రీ చక్రాన్ని పూజించడం వల్ల గొప్ప ప్రయోజనాలు లభించగలవు.
32. ప్రతిరోజూ పసుపు గణపతిని ఉంచి పూజించి, ఆ తర్వాత సాధన చేయాలా?
అక్కరలేదు. మొదటి రోజు మాత్రమే పసుపు గణపతిని పూజించి, నమస్కరించుకొంటే చాలును. ఇక ప్రతి రోజూ నీటిని తీసుకొని నేలపై విడిచి నమస్కరించుకొంటే సరిపోతుంది.
33. దీపాలకు ఏ విధమైన నూనెను ఉపయోగించాలి?
మీ మనసుకు నచ్చిన ఏ నూనెను అయినా ఉపయోగించుకొనవచ్చును.
34. నా వద్ద చెక్క ఆసనం పెట్టటానికి పెద్ద పలక/పీట లేదు. ఏమి చేయాలి?
పెద్ద పలక లేదా పీట, టేబుల్ లేని వారు చెక్క ఆసనాన్ని నేరుగా నేలపై పెట్టి, దానిపై శ్రీ యంత్రాన్ని ఉంచి కూడా పూజించుకొనవచ్చును.
35. గర్భిణీ స్త్రీలు ఆత్మ గాయత్రీ సాధన/నోంబు చేయవచ్చా?
చేయకూడదు.
